BO NADAL MIÚDOS!!!

 B O    N A D A L 

Que o apalpador encha de maxia o mundo de cada un dos lectores e lectoras. E que aos alumnos/as lles deixe pingas de creatividade e imaxinaicón para seguir descubrindo a nosa cultura e xogando coa nosa lingua.

Grazas á recuperación  deste ser agochado durante anos na memoria dos nosos maiores todos os pequenos/as estiveron cantando o tema que Pablo Díaz inclúe no Toc Toc. Estaban ilusionados e non deixaban de pedir que lla puxera, e había outras pero gustoulles o APALPADOR.

 

ROCANROL DRAGÓN

Agasallo de Magín Blanco para os nosos dragaliños/as. Está claro que o soño do dragón é posible. 

No blogue de MEXUNXE tedes o enlace ás letras.

 


Os meus dragaliños ríronse cando a puxen, daquela quiteina e daquela xurdiu a maxia e pedíronme que a volvera poñer e saíron ao recreo cantándoa. Como son estes pequechos/as  ahahahaha!!!

O APALPADOR

Este enlace é para o alumnado de 1º da ESO, que na súa meirande parte non sabía quen era o APALPADOR cando lles puxen a canción de Pablo Díaz, co mesmo título do albun TOC TOC.

VER XOGOS E INFORMACIÓN SOBRE O PERSONAXE TRADICIONAL DO NADAL GALEGO

DRAGAL E O SEU MUNDO

O alumnado de segundo da ESO leu este trimestre a novela de Dragal. E esta foi unha ferramenta imprescindible para traballar os textos descritivos ou os elementos da narración. 

Ademais serviulle ao alumnado para reparar que a nosa cultura agocha segredos e seres máxicos ou  verdadeiras xoias da Arte Románica, que ben lles explicou a profe de hsitoria e que agora terán que atopar no lugar no que viven.

Podedes xogar un anaco para repasar eses nomes curiosos que fostes aprendendo coa novela facendo clic AQUÍ. Así coñeceredes o espazo de traballo dos compañeiros/as doutros centros.

Cantigas de escarnio

Cantigas de escarnio[1]

View more presentations from Loli Cid Cid.

O DIÁLOGO

Unha pequena axuda:

O diálogo from Loli Cid Cid

Unhas cantas actividades. 

1. Despois de ver o seguinte corto de animación escollede algún compañeiro/a que reproduza os diálogos.




2. Agora escribide os diálogos despois de ver o seguinte corto.






3. Aquí tedes máis actividades.

 

Actividades sobre o diálogo from Loli Cid Cid


O CUESTIONARIO PROUST (Busca alguén que admires para entrevistar)

1.– Principal trazo do seu  carácter?

2.– Que calidade aprecia máis nas persoas?

3.– Que agarda das súas amizades?

4.– A súa principal eiva?

5.–  A súa ocupación favorita?

6.–  O seu ideal de felicidade?

7.– Cal sería a súa maior desgraza?

8.– Que lle gustaría ser?

9.– En que país desexaría vivir?

10.– A súa cor favorita?

11. – A flor que máis lle gusta?

12.– O paxaro que prefire?

13.– A súa devoción na prosa?

14.– E na poesía?

15. Un libro?

16.– Un heroe de ficción?

17.– Unha heroína?

18.– A súa música favorita?

19.– Na pintura?

20.–  Un heroe ou heroína na vida real?

21.– O seu nome favorito?

22.– Que hábito alleo non soporta?

23.– O que máis odia?

24.– A figura histórica que máis despreza?

25.– Un feito militar que admire?

26.– Que don natural lle gustaría ter?

27. – De que maneira lle gustaría morrer?

28.– Cal é o seu estado de ánimo máis habitual?

29.– Que defectos lle inspiran máis indulxencia?

30.– Un lema na súa vida?