O MAR E A SOMBRA NA OBRA DE ROSALÍA

Grazas a este vídeo poderedes entender esa poesía máis existencialista de Rosalía de Castro.

Reparade cando vexades o vídeo nas cuestións que figuran abaixo.

 

CUESTIONARIO SOBRE O VÍDEO 

1- Cal é a repercusión de Rosalía de Castro na nosa litreratura?
2- Cal é o elemento natural que exerce unha influencia especial sobre a escritora? 
3- Que corrente de pensamento inflúe nela para ter esta atracción polo elemento que buscamos?
4- Explica por que sente Rosalía unha fonda preocupación polos nenos abandonados?
5- Que drama da vida de Rosalía representa o símbolo da "Negra sombra"?
6- Cando como e onde coñece Rosalía a Murguía? Cando casa con el?
7- Que concepción ten da muller Murguía? 
8- Que opinión expresa Rosalía no artigo "Las literatas" sobre o papel da muller no séc. XIX?
9- Que é o que lle preocupa realmente da situación da muller?
10- Que papel xoga Aurelio Aguirre na vida de Rosalía?
11- Cal é a razón pola que Rosalía decide escribir en Galego?
12- Cales sib is sugnificados do símbolo da "sombra" segundo os distintos especialistas?
13- Cal é a orixe do sentimento de "DOR" que persegue a Rosalía?


Máis para coñecer a Rosalía.

NAS TARDES ESCURAS - NARF

Narf rende homenaxe a Rosalía de Castro cun traballo baseado nos textos da "revolucionaria feminista", como lle dixo o cantante nun dos seus concertos. 

 Estes son os títulos dos temas que inclúe o seu traballo: 

Tal como as nubes 
Nunca sospiro 
Cabe das froles 
 Amores cativos 
 Pasade 
Ódiote 
 Lúa descolorida 
Ti onte, mañán eu 
Bos amores 
 Follas Novas 
                                                       Nas tardes escuras 

 Así semos

DE ROSALÍA A ROI CASAL

Que maneira mellor que comezar a clase de Rosalía con esta magnífica interpretación de Silvia Ferre e Roi Casal, xunto aos seus músicos e ao seu pai, Nando Casal, o creador do grupo Milladoiro.


Tecin soia á miña tea, 
Sembrei soia o meu nabal, 
Soia vou por leña ô monte, 
Soia á veo arder n'o lar. 
Nin n'a fonte nin n'o prado 
Asi morra c'o á carráx 
El non ha de virm' á erguer, 
El a non me pousará. 
¡Que tristeza! ó vento soa,
Canta ó grilo ô seu compás... 
Ferbe o pote... mais, meu caldo, 
Soiña t'hei de cear. 
Cala rula, os teus arrulos 
Ganas de morrer me dan, 
Cala, grilo, que si cantas 
Sinto negras soïdás. 
O meu homiño perdeuse, 
Ninguen sabe en onde vay... 
Anduriña que pasache 
Con él as ondas d'o mar, 
Anduriña, voa, voa, 
Ven e dime en ond'está.

Rosalía de Castro, Follas novas

GRAFITI ROSALÍA 1º ESO IES PUGA RAMÓN

Grafiti Rosalía from Loli Cid Cid

DÍA ROSALÍA DE CASTRO

O alumnado de 1º ESO recita a Rosalía no día 24 de febreiro e celebramos o seu 177 aniversario. 


 

NARF, BOS AMORES

NAO A XUSTIZA POLA MAN

GRAFITI ROSALÍA

Escolma de textos para os grafitis colectvos para que toda a comunidade educativa se sume a homenaxe dunha das mulleres con máis talento e valentía das nosas letras: Rosalía de Castro

Publish at Calameo or read more publications.

TODAS CON ROSALÍA

O 24 deste mes celebramos o 177 aniversario do nacemento de Rosalía de Castro, unha muller grande, símbolo de NÓS, dunha cultura grande!!!!

DÍA DA PAZ

Nunhas semanas celebramos a Rosalía de Castro, e 150 aniversario da publicación de Cantares, daquela escollín este poema que fala da PAZ para o día de hoxe.

Xa sei que me diredes que fala da "paz" persoal, da harmonía e sosego interno; pero, realmente, penso que só cando todas as persoas deste mundo atopen ese sosego interno e se deixen de vivir pensando en facer mal aos demais e a si mesmos con pretensións "marcianas" poderemos vivir nun mundo sen conflitos.

Paz, paz deseada

Pra min, ¿onde está?

Quiais n'hey de tela...

¡N'a tiben amais!

   Sosego, descanso,

¿Ond'hey d'o atopar?

N'os mals que me matan,

N'a dor que me dan.

   ¡Paz! ¡paz tiés mentira!

¡Pra min non'a hay!

AID + RAP + ROSALÍA

Este venres día 10 podedes gozar dunha sesión de RAP e dunha homenaxe a Rosalía de Castro da man de AID. O concerto vai ser detrás do Marco, na rúa Londres, ás 8.30 e a entrada é de valde.

ESCOLMA CANTARES GALLEGOS

Adrián, aquí deixo os poemas de Cantares Gallegos que tiñades que comentar.

Ver máis sobre Rosalía nesta entrada. PREME

ESCOLMA cantares de Rosalía by Loli Cid Cid

REXURDIMENTO: Rosalía de Castro

Presentación de introdución ao Rexurdimento e á obra de Rosalía de Castro.




Leo falando de Rosalía:

CANTARES GALLEGOS

 foto de: lifewordslw.blogspot.com

Aviso para o alumnado de 1ª BACH F e H de IEs Santa Irene. 

A lectura obrigatoria que marcou a vosa profe foi a de Cantares Gallegos, de Rosalía de Castro. 

Xa que este venres é un día de homenaxe ás mulleres e este o ano do 150 aniversario do libro da autora, paréceme acertadísima a escolla. Se non tedes o libro na casa, ou  on o podedes coller na Bilioteca do centro recordade que o podedes ler na Biblioteca Virtual Galega. Facede clic na imaxe. 

Gozade coa lectura! 

Para seguir mergullados no mundo de Rosalía recoméndovos os videos con versións dalgúns dos seus poemas que podedes atopar en youtube.

OÍR A ROSALÍA

150 ANOS DE CANTARES GALLEGOS

O día 24 vai ser especial este ano porque temos o privilexio de homenaxear un fito histórico para a lingua e a literatura galega. 

A publicación dos Cantares Gallegos foi algo máis ca unha reivindicación da nosa lingua ou da nosa cultura a través dos cantares dunha nena cun ton inocente. Serán a antesala dun libro máis potente, as Follas novas, onde o falar non ten cancelas, onde as mensaxes de dor traspasan o persoal para solidarizarse e denunciar inxustizas plurais. 

Reparade nos versos que escoitamos no seguinte vídeo e reflexionade sobre a situación actual do noso país. Non me diredes que Rosalía de Castro non está de moda? Non me negaredes que foi, sen dúbida unha muller adiantada ao seu tempo? Creo que moitas veces se asocia a escritora coa palabra SENTIMENTO eu prefiro estoutras dúas CORAXE E VALOR.

Rosalía de Castro

Hoxe, 24 de febreiro, celebramos os 175 anos do nacemento de Rosalía de Castro. Como homenaxe á poetisa de Padrón déixovos o poema que máis me gusta da autora, xa que nel podemos ver os sentimentos máis profundos, amor polos fillos e odio cara unha sociedade inxusta, non moi afastada da actual na que, unha vez máis, os problemas dos "ricos" páganos os "pobres".

Facede clic no título e escoitade a marchosa versión do poema de Rosalía a man de NAO.

Grazas Xoan por todos os retallos de nós que nós deixas nesta xanela. Bicos Mar polos grnaciños de area que fan a "casa" máis grande.

A xusticia pola man. Rosalía de Castro

Aqués que tén fama d' honrados na vila
roubáronme tanta brancura qu' eu tiña;
botáronme estrume nas galas dun día,
a roupa de cote puñéronma en tiras.
Nin pedra deixaron en dond' eu vivira;
sin lar, sin abrigo, morei nas curtiñas;
ó raso cas lebres dormín nas campías;
meus fillos... ¡meus anxos!... que tant' eu quería,
¡morreron, morreron ca fame que tiñan!
Quedei deshonrada, mucháronm' a vida,
fixéronm' un leito de toxos e silvas;
i en tanto, os raposos de sangre maldita,
tranquilos nun leito de rosas dormían.

―――

―Salvádeme ¡ouh, xueces!, berrei... ¡Tolería!
De min se mofaron, vendeum' a xusticia.
―Bon Dios, axudaime, berrei, berrei inda...
tan alto qu' estaba, bon Dios non m' oíra.
Estonces, cal loba doente ou ferida,
dun salto con rabia pillei a fouciña,
rondei paseniño... (ne' as herbas sentían)
i a lúa escondíase, i a fera dormía
cos seus compañeiros en cama mullida.

Mireinos con calma, i as mans estendidas,
dun golpe ¡dun soio! deixeinos sin vida.
I ó lado, contenta, senteime das vítimas,
tranquila, esperando pola alba do día.

I estonces... estonces cumpreuse a xusticia:
eu, neles; i as leises, na man qu' os ferira.

Rosalía de Castro (1993). Follas Novas. (Vigo: Galaxia)

Día da Patria Galega

Hoxe Xoan convidoume a ver os cambios en Son de Poetas e vin a Rosalía no centro do blog.
Iso recordoume ao recitado que fixo Teresa Devesa na festa do día 24 pola noite que se celebra todos os anos na miña parroquia, Santiago de Folgoso.



Uníndonos á homenaxe á nosa poetisa a concelleira recitou o poema da "Xustiza pola man". Se premedes no enlace ao blog antes citado podedes escoitedes unha versión moi movida deste poema de Rosalía.

Grazas Xoan, moi bo traballo!!!